ძრავის ზეთი ავტომობილის სწორად მუშაობის ერთ-ერთი ყველაზე მნიშვნელოვანი კომპონენტია. მაგრამ ბევრ მძღოლს ხშირად უწევს შეკითხვა: რატომ იკლებს ან ორთქლდება ძრავის ზეთი? თუ ეს პრობლემა დროულად არ გამოვავლინეთ, ის შეიძლება ძრავის დაზიანების ან ძვირადღირებული რემონტის მიზეზი გახდეს.

გთავაზობთ 3 მთავარ მიზეზს, თუ რატომ იკლებს ძრავი ზეთს და როგორ ავიცილოთ ეს თავიდან.

1. 🛞 ძრავის ბუნებრივი ცვეთა და მაღალი ტემპერატურა

როგორ მოქმედებს:
ძრავი მუშაობისას ცხელდება – ზოგჯერ 100°C-ზე მეტ ტემპერატურამდე. თუ ზეთი არ არის ხარისხიანი ან სწორად შერჩეული (მაგ. სიბლანტე – 5W30 როცა საჭიროა 5W40), ის სწრაფად კარგავს თვისებებს და წვის შედეგად ორთქლდება.

როგორ ავიცილოთ თავიდან:

• გამოიყენეთ მხოლოდ ხარისხიანი ზეთი (მაგ: Millers Oils).

• დაიცავით მწარმოებლის რეკომენდაციები ზეთის ტიპსა და შეცვლის ინტერვალზე.

• მაღალი დატვირთვის პირობებში გამოიყენეთ ზეთი ესტერზე ან PAO ბაზაზე (მაგ: Millers Oils-ის EE Performance ხაზი).

2. ⚠️ ძრავის ბეჭდებისა და სარქველების ცვეთა

როგორ მოქმედებს:
ძველი ან გაცვეთილი ძრავის ბეჭდები, სარქვლები ან ე.წ “კოლცოები” აღარ აკავებენ ზეთს ცილინდრებში. შედეგად, ზეთი იწვის შიგნით საწვავთან ერთად და იკლებს.

სიმპტომები:

• ლურჯი კვამლი გამონაბოლქვში

• ზეთის ხშირი კლება

• ძრავში წნევის შემცირება

გადაწყვეტა:

• გააკეთეთ ძრავის დიაგნოსტიკა.

• საჭიროების შემთხვევაში შეცვალეთ ბეჭდები ან დროებითი შედეგის მისაღებად გამოიყენეთ შესაბამისი დანამატები.

🧯 არასწორი ზეთის გამოყენება ან გადაცილებული შეცვლის ვადა

როგორ მოქმედებს:
ზეთი რომელსაც აქვს არასწორი დაშვება (მაგ: ACEA C2 როცა საჭიროა C3) ან ძველია – კარგავს სიბლანტეს, გამოშრება და იწვება.

გადაწყვეტა:

• შეამოწმეთ ზეთის სტანდარტები – გამოიყენეთ მხოლოდ მწარმოებლის მიერ რეკომენდებული დაშვება.

• ყოველთვის შეცვალეთ ზეთი დროულად (გარბენის მიხედვით (გარბენი გამოითვალეთ 250-300 მოტო საათის პრინციპით) ან წელიწადში ერთხელ).

✅ დასკვნა

ძრავის ზეთის კლება ყოველთვის სიგნალია იმისა, რომ რაღაც არ არის წესრიგში. მისი იგნორირება აიძულებს ძრავს იმუშაოს ზეთის გარეშე, რაც იწვევს ძრავის ცილინდრის კედლების და სხვა კომპონენტების დაზიანებას, გადახურებას და ძვირადღირებულ რემონტს.

თუ არ ხართ დარწმუნებული, რომელი ზეთი შეესაბამება თქვენს მანქანას, გამოიყენეთ Millers Oils-ის ოფიციალური კატალოგი ან ეწვიეთ ჩვენს სერვის ცენტრს ბათუმში, სადაცზუსტად თქვენს მანქანაზე მორგებულ ზეთს შევარჩევთ.